make
Más foghlaimeoir thú nó más ag iarraidh an mheirg a bhaint de do chuid Gaeilge nó ag ullmhú do scrúduithe atá tú, tá an dá imleabhar Easy Learning Irish Verbs agus a chomhleabhar sraithe Easy Learning Irish Grammar, anseo le cuidiú leat.
Is féidir leis an téarmaíocht theicniúil bac a chur ar fhoghlaimeoirí atá ag iarraidh eolas a chur ar ghramadach theanga nua, ach mínítear na téarmaí seo ina n-iomláine san Easy Learning Irish Grammar. Is uirlis ghasta thagartha é an leabhar Easy Learning Irish Verbs a chuireann táblaí briathra ar fáil don bhunfhoghlaimeoir agus fiú don chainteoir líofa a úsáideann an teanga ar bhonn laethúil ar bhealach simplí soiléir.
Tá Easy Learning Irish Verbs struchtúrtha i ranna a éascóidh úsáid agus tuiscint na mbriathra duit.
Sa chéad roinn tugtar táblaí do 115 eochairbhriathar (idir rialta agus neamhrialta) ina dtugtar na seacht n-aimsir agus modh éagsúla – mar aon leis an ghas/fhréamh, leis an ainm briathartha, agus leis an aidiacht bhriathartha. Is iad an gas agus an t-ainm briathartha an dá chuid is tábhachtaí de bhriathar ar bith – agus cé go n-úsáidtear an aidiacht bhriathartha mar ‘aidiacht’, feicfear níos minice é mar ‘rangabháil chaite’ leis na na haimsirí éagsúla foirfe a dhéanamh. In Aguisín A, i ndiaidh na dtáblaí, tugtar leaganacha Béarla do na leaganacha difriúla den bhriathar a réimnítear i nGaeilge sna táblaí – agus úsáidtear an briathar glan ‘clean’ mar shampla.
Is sa Chaighdeán Oifigiúil a thugtar príomhtháblaí na mbriathra – bíodh go liostáiltear príomhleaganacha canúnacha mar fhonótaí sna táblaí céanna do na trí mhórchanúint: Cúige Uladh, Cúige Chonnacht agus Cúige Mumhan. Cuideoidh seo leis an úsáideoir eolas a chur ar an Chaighdeán Oifigiúil agus ar Gaeilge bheo na Gaeltachta a chluintear go minic fosta sna meáin chumarsáide agus a léitear i litríocht réigiúnach na Nua-Ghaeilge.
Cuireann Achoimre Gramadaí críoch leis an imleabhar seo de Easy Learning Irish Verbs.
Tugann Easy Learning Irish Grammar céim níos faide thú leis an fhoghlaim. Is forlíonadh é ar an méid eolais atá ar fáil in Easy Learning Irish Verbs ag tabhairt tuilleadh léirithe agus treoracha ar úsáid na mbriathra, gan trácht ar ghnéithe eile de ghramadach na Gaeilge. Is cinnte go gcuideoidh an dá leabhar Easy Learning IrishVerbs agus Easy Learning Irish Grammar leatsa, mar fhoghlaimeoir, agus tú ag tabhairt faoin Ghaeilge.
Whether you are starting to learn Irish for the very first time, brushing up your language skills or revising for your exams, the Easy Learning Irish Verbs and its companion volume, the Easy Learning Irish Grammar, are here to help.
Newcomers can sometimes struggle with the technical terms they come across when they start to explore the grammar of a new language but these are explained fully in the Easy Learning Irish Grammar. The Easy Learning