TO‘POLONCHI CHUMCHUQLAR. X. Shomurodov

deydi.

      PASHSHA

      Pashsha g‘uv-g‘uv etadi,

      Iflos joyga o‘tadi.

      Iflos joydan kir olib,

      Yuz-qo‘liga surtadi.

      Hamma joyni toza tut,

      Pashsha tuxumin qurit.

      Axlatlarni tashlamay,

      Erinchoqlikni unut.

      OLAPAR

      Juda-juda yoqimtoy

      Kuchugim bor Olapar.

      Hovlida kutib meni,

      Erkalaydi har safar.

      Likillatib dumini,

      Qulog‘ini, burnini.

      Har xil qiliq qiladi,

      Buni o‘zi biladi.

      Kechikib qolsam goho,

      Yo‘lim poylaydi tanho.

      Udir menga vafodor,

      Shu sabab men baxtiyor.

      FIL YIG‘LADI

      – Fil ham yig‘laydimi, otajon?

      So‘rab qoldi qizim Guljahon.

      – Qizim, nega unday deysan sen?

      So‘roq qildim bo‘lib men hayron.

      – Men ko‘rdim hayvonot bog‘ida,

      Filni yig‘lab turgan chog‘ida.

      – Balki sog‘ingandir otasin,

      Sog‘ingandir balki onasin.

      – Eh, tezroq kelishsin ishqilib,

      Kasal bo‘lib yotib qolmasin.

      BOBOM EKKAN OLMALAR

      Bobom ekkan olmalar

      Oy nurida tovlanar.

      Terib keldi bir savat,

      Oldik navbatma-navbat.

      Maza qilib yedik biz,

      So‘ngra rahmat dedik biz.

      Qoyil qoldik barchamiz,

      Yetishtirgan oltin kuz.

      Bog‘bon otamga rahmat,

      Siz ham keling, marhamat.

      Ochiq doim dasturxon,

      Sizni qilaman mehmon.

      SHAFTOLI

      Shaftolijon, shaftoli,

      Shaftolingdan beraqol.

      Maza qilib yeyman men,

      So‘ngra rahmat, deyman men.

      Shaftoli egib shoxin,

      Mana, olaqol deydi.

      Terib oldim bir etak,

      Axir ukam ham yeydi.