en vir tyd om in tyd
binne-in stil te staan
oorvertel 1
Desember 2009
wat is jou besigheid
ek soek inligting stories oor Skipskop
ek was nog ’n kind gewees daai tyd
daai fokken Kramer-jong het mos
daai song gesing so long Skipskop
met ’n Kaapse aksent nogals pure
djasgeit wit mens se sad en onse sad
is different hulle huil oor die plek
oor dit mooi was
onse mense huil oor hulle
net moet maak soos gesê was
ja oom maar ek wil weet wat daar
by Skipskop gebeur het
hoe het dit gelyk
wie het daar gewoon
ek het daar gebly en my ouers
ons het vis gevang
daai jare sonder permitte
ons kinders het nie baie geworrie
om te swem nie
die water was te blerrie koud
en die son was nie so beneuks soos
hy nou is nie
oorvertel 2
Februarie 2010
hier het ’n vrou gebly Mal Maria sy’t geloop met ’n lang tou om die nek met haar huissluitels aan een nag toe dood sy met die sluitels om die nek die wind het haar nek gebreek
julle Kaapse mense sê mos die son sien alles
hierso sien die mense alles
ek huil nie oor Apartheid-kak nie ek huil oor julle klo’goed net hoor van Distrik 6 ek kon nog die St Helena in my oumoeder se hare ruik maar bruin mense is net klopse papbekke en gomgatte om bruin te wees is glad nie so verkakte storie soos daai slamse voorgee nie en dan is dit nog die anner storie van boesman wees die problem is wanner jy jou mense se storie ken en daar’s nie ’n slams of boesman in nie maar jy moet maar ja en amen want al wat jy het is die oorvertel
die see spook by jou al trek jy tot teenaan die woestyn
die see is ’n teef met rooi skoene aan
oorvertel 3
Maart 2010
’n mens vergeet maar net omdat onthou jou opvreet
grond is ’n vuilheid as jy eers lief is vir ’n plek kan watte kak maar daar gebeur jy hou maar vas nie soos mens lief nie
jy wil nie weet hoe ek voel nie ek’s 84 jaar oud en as ek nou leegmaak spoil ek alles al my regop hou
dis beter om die storie in jou woorde oortevertel want ek wil graag hou wat ek het dis al wat ek het as ek dit ook weggee is ek regtig soos my kleinkind sal sê ’n happy loser
Klippie Klipkop se storie
Klippie Klipkop kind van mantel en kors
gebore in die moho discontinuity
kleinkind van die sial
sy ma was van sima afkomstig
toe kom die water die water het net
aanhou en aanhou kom tot vandag tot môre
Klippie Klipkop hanskind van Klippenkust
kragteloos in sy knechtschap sit
vas sit vas Klippie Klipkop naby de duivel
verby
verby
voorbij
verby
de diep
die diep
de diep
blou see
Sara Slimmeisie
vandag is my huildag
ek gaan my witrok
aantrek en kaalvoet voor
die see staan met
my ouma se pêrels
om my nek gaan
ek ’n gat in
die grond grawe voor
dit sit en huil
my trane gaan opraak
en ek gaan
die gat toegooi die gety
gaan kom en die
gety gan gan
hulle kan my santekraam vat
maar my trane gaan
hulle nie kry nie
oom Vis Visser met sy onthou en vashou
ek kan onthou van vashou
vashou aan die dag die lig
die mooi ek kan onthou hoe
my ma haar breekgoed moes
breek omdat daar net nie plek
was daarvoor nie ek onthou
hoe Oupa in die agterjaart
inmekaargesak en gesnik
het soos ’n kind
ek onthou my hond ek onthou
die oggend die wit-en-blou bakkie
die pers geel en rooi skynsels
op die seepborrels
toe ek die waskom uitgooi
al wat ek nie onthou
nie is of enigiemand tot siens gesê
het nie nee niemand het ge-so long nie
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.