Qanadlı körpü. Ataqam

də olacağını ağlından yüz dəfə keçirmişdi.

      – Yox, bitməyib, – cavab verdi. Səsinin titrədiyini özü də duydu.

      Pota cibindən yüz şekellik əsginas çıxarıb Aban Müəzzinin gözü qabağında yellədi:

      – Şekel deyir, diridi, – sifətinin bir tərəfini əyib istehza ilə qımışdı, – sən nə deyirsən?

      Aban Müəzzin “Hə, diridi” deyib ovcunu açmaq istədi, amma potanın qurşağında parıldayan gümüş qundaqlı tapançanın, bir də uduzacağı yüz şekelin qorxusundan fikrindən daşındı:

      – Yox, ölüdü, – mızıldandı.