acısı canını yaxdı,
Vədəsiz açılıb solan günlərin.
Üzürəm, dəryanın qırağı gəlmir,
Ağaran saçların darağı gəlmir…
Hardadı dostlarım?
Sorağı gəlmir
Şirin vədlər ilə dolan günlərin…
Ay Vahid, and içir saxta adamlar,
Üşüdür canını şaxta adamlar.
Macal vermirlər ki, taxta adamlar,
Ucundan kəsirlər qalan günlərin…
Atraksİona yağış yağır
Burda baharla xəzan
Dayanıblar yanaşı.
Atraksion meydandır,
Gedir fəsil yarışı.
Həsrəttək əyləncəyə,
Bir xallı gəlinciyə…
Təbiət yelləncəyə
Tökür narın göz yaşı.
Günəş, oynat telləri,
Dəstələ tər gülləri,
Körpə şirindilləri
Yenə də bura daşı…
Yaz, ara
Sənin əhvalını pozanlar pozub,
Nə fərqi, ya Zalım, ya yaz, ya Zara…
Sevgini özünə yasaq elədin,
Sevgisiz zindandı həyat yazara.
Çəməndə çiçəyi bağlarda barı,
Görmürsən, – dövrənə çəkmisən barı.
Dostların sorsaydı halını barı,
Deməzdin, indi yox, məni yaz ara..
Bilirəm, xəzandı halın nasazdı,
Atəşin tükənib, yoxsa nas azdı?
Görürsən, Vahidin keyfi nə sazdı?
Adına təzə bir dastan yazar, a…
Sobada odun yox
Sobada odun yox…
Odum da yoxdu,
Bəlkə… bu sobanı yaxıb gedəsən.
Çaydana tökməyə suyum da yoxdu,
Bəlkə… çaydanıma axıb gedəsən.
Hasarlar əyilib, haçası üçüb,
Evimin divarı, bacası uçub…
Şeirimin misrası, hecası uçub,
Bəlkə… vərəqləri yığıb gedəcən.
Bilmirəm, başımda ta nələr oynar?
Bağımda yel əsər, yengələr oynar.
Quru torpaq üstə kölgələr oynar,
Bəlkə… yağmur kimi yağıb gedəsən.
Bağda bağlı qalıb qara Bəyənək,
Çürük salxımlardan əyilib tənək.
Naxırdan qayıdıb Sarıqız inək,
Bəlkə… bu inəyi sağıb gedəsən.
Mən özüm hardaym, xəyalım harda?
Yetmir harayıma ana da, yar da.
Nə işin var idi özgə diyarda?
Niyə xatirəyə sığıb gedəsən
Vahid, bu xəzana bağladın ümid,
Xəzan keçib getdi, qoydu naümid…
Vallah, mən deyiləm sən gəzən igid,
Bəlkə…
Vədəsində çıxıb gedəsən?
Gəlİr
Dostum Nizami Bayramova zarafatyana
Günlərin hesabı çıxır yadımdan,
Nə qədər sayıram, yenə kəm gəlir.
Deyirəm, yaxamdan əl çəksin qəmim,
Fərq olmur, – ya hasil, ya da cəm gəlir.
Yaz ötür, qış hələ çıxmır canımdan,
Yay da fayton ilə keçir yanımdan.
Viruslar əl çəkmir ev ünvanımdan,
Gah qrip ilişir, gah zökəm gəlir.
Vahid, bir-birindən xoş olur ilim,
Gah dizim ağrıyır, gah tutur belim.
Məni aparmağa qıymır ki, ölüm,
Əzrayıl qapıma hər gün dəm gəlir.
Bəndə
Lal olmaq yaramaz Vahid adına,
Kim səni qorxudub, edib lal bəndə?
Dilini ağactək yanına qıssan,
Zaman özü vurar sənə nal, bəndə.
Sənin düşüncənlə dönmür kainat,
Uçmazsan, qızıldan taxsan da qanad.
Ağlının boynuna hərdən kəmənd at,
Yoxsa, edər səni halbahal bəndə.
Ay Vahid, can desən can olar cavab,
Sancarsan, sancarlar, – gətirməzsən tab…
Şəkərli sözünlə dolu olsun qab,
Qoy, səni görən də olsun bal bəndə.
Sarı Təpə
Vahid Çəmənli Sarı təpənin üstündə
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.