The Greatest Works of J. M. Barrie: 90+ Titles in One Volume (Illustrated Edition)
my opeenion," said Leeby, returning excitedly from the corner, "'at the lad Wilkie's no to be preachin' the morn, after a'. When I gangs to the corner, at ony rate, what think ye's the first thing I see but the minister an' Sam'l Duthie meetin' face to face? Ay, weel, it's gospel am tellin' ye when I say as Sam'l flung back his head an' walkit richt by the minister!"
"Losh keep's a', Leeby; ye say that? They maun hae haen a quarrel."
"I'm thinkin' we'll hae Mr. Skinner i' the poopit the morn after a'."
"It may be, it may be. Ay, ay, look, Leeby, whatna bit kimmer's that wi' the twa jugs in her hand?"
"Eh? Ou, it'll be Lawyer Ogilvy's servant lassieky gaen to the farm o' T'nowhead for the milk. She gangs ilka Saturday nicht. But what did ye say—twa jugs? Tod, let's see! Ay, she has so, a big jug an' a little ane. The little ane 'll be for cream; an', sal, the big ane's bigger na usual."
"There maun be something gaen on at the lawyer's if they're buyin' cream, Leeby. Their reg'lar thing's twopence worth o' milk."
"Ay, but I assure ye that sma' jug's for cream, an' I dinna doot mysel but 'at there's to be fowerpence worth o' milk this nicht."
"There's to be a puddin' made the morn, Leeby. Ou, ay, a' thing points to that; an' we're very sure there's nae puddins at the lawyer's on the Sabbath onless they hae company."
"I dinna ken wha they can hae, if it be na that brither o' the wife's 'at bides oot by Aberdeen."
"Na, it's no him, Leeby; na, na. He's no weel to do, an' they wouldna be buyin' cream for 'im."
"I'll run up to the attic again, an' see if there's ony stir at the lawyer's hoose."
By and by Leeby returned in triumph.
"Ou, ay," she said, "they're expectin' veesitors at the lawyer's, for I could see twa o' the bairns dressed up to the nines, an' Mistress Ogilvy doesna dress at them in that wy for naething."
"It fair beats me though, Leeby, to guess wha's comin' to them. Ay, but stop a meenute, I wouldna wonder, no, really I would not wonder but what it'll be—"
"The very thing 'at was passin' through my head, mother."
"Ye mean 'at the lad Wilkie 'll be to bide wi' the lawyer i'stead o' wi' Sam'l Duthie? Sal, am thinkin' that's it. Ye ken Sam'l an' the lawyer married on cousins; but Mistress Ogilvy ay lookit on Chirsty as dirt aneath her feet. She would be glad to get a minister, though, to the hoose, an' so I warrant the lad Wilkie 'll be to bide a' nicht at the lawyer's."
"But what would Chirsty be doin' gettin' the chintz an' the fender in that case?"
"Ou, she'd been expeckin' the lad, of course. Sal, she'll be in a michty tantrum aboot this. I wouldna wonder though she gets Sam'l to gang ower to the U. P's."
Leeby went once more to the attic.
"Ye're wrang, mother," she cried out. "Whaever's to preach the morn is to bide at the manse, for the minister's servant's been at Baker Duft's buyin' short-bread—half a lippy, nae doot."
"Are ye sure o' that, Leeby?"
"Oh, am certain. The servant gaed in to Duffs the noo, an', as ye ken fine, the manse fowk doesna deal wi' him, except they're wantin' short-bread. He's Auld Kirk."
Leeby returned to the kitchen, and Jess sat for a time ruminating.
"The lad Wilkie," she said at last, triumphantly, "'ll be to bide at Lawyer Ogilvy's; but he'll be gaen to the manse the morn for a tea-dinner."
"But what," asked Leeby, "aboot the milk an' the cream for the lawyer's?"
"Ou, they'll be hae'n a puddin' for the supper the nicht. That's a michty genteel thing, I've heard."
It turned out that Jess was right in every particular.
Chapter III.
Preparing to Receive Company
Leeby was at the fire brandering a quarter of steak on the tongs, when the house was flung into consternation by Hendry's casual remark that he had seen Tibbie Mealmaker in the town with her man.
"The Lord preserv's!" cried Leeby.
Jess looked quickly at the clock.
"Half fower!" she said, excitedly.
"Then it canna be dune," said Leeby, falling despairingly into a chair, "for they may be here ony meenute."
"It's most michty," said Jess, turning on her husband, "'at ye should tak a pleasure in bringin' this hoose to disgrace. Hoo did ye no tell's suner?"
"I fair forgot," Hendry answered, "but what's a' yer steer?"
Jess looked at me (she often did this) in a way that meant, "What a man is this I'm tied to!"
"Steer!" she exclaimed. "Is't no time we was makkin' a steer? They'll be in for their tea ony meenute, an' the room no sae muckle as sweepit. Ay, an' me lookin' like a sweep; an' Tibbie Mealmaker 'at's sae partikler genteel seein' you sic a sicht as ye are?"
Jess shook Hendry out of his chair, while Leeby began to sweep with the one hand, and agitatedly to unbutton her wrapper with the other.
"She didna see me," said Hendry, sitting down forlornly on the table.
"Get aff that table!" cried Jess. "See haud o' the besom," she said to Leeby.
"For mercy's sake, mother," said Leeby, "gie yer face a dicht, an' put on a clean mutch."
"I'll open the door if they come afore you're ready," said Hendry, as Leeby pushed him against the dresser.
"Ye daur to speak aboot openin'the door, an' you sic a mess!" cried Jess, with pins in her mouth.
"Havers!" retorted Hendry. "A man canna be aye washin' at 'imsel."
Seeing that Hendry was as much in the way as myself, I invited him upstairs to the attic, whence we heard Jess and Leeby upbraiding each other shrilly. I was aware that the room was speckless; but for all that, Leeby was turning it upside down.
"She's aye ta'en like that," Hendry said to me, referring to his wife, "when she's expectin' company. Ay, it's a peety she canna tak things cannier."
"Tibbie Mealmaker must be some one of importance?" I asked.
"Ou, she's naething by the ord'nar'; but ye see she was mairit to a Tilliedrum man no lang syne, an' they're said to hae a michty grand establishment. Ay, they've a wardrobe spleet new; an' what think ye Tibbie wears ilka day?"
I shook my head.
"It was Chirsty Miller 'at put it through the toon," Henry continued. "Chirsty was in Tilliedrum last Teisday or Wednesday, an' Tibbie gae her a cup o' tea. Ay, weel, Tibbie telt Chirsty 'at she wears hose ilka day."
"Wears hose?"
"Ay. It's some michty grand kind o' stockin'. I never heard o't in this toon. Na, there's naebody in Thrums 'at wears hose."
"And who did Tibbie get?" I asked; for in Thrums they say, "Wha did she get?" and "Wha did he tak?"
"His name's Davit Curly. Ou, a crittur fu' o' maggots, an' nae great match, for he's juist the Tilliedrum bill-sticker."
At this moment Jess shouted from her chair (she was burnishing the society teapot as she spoke), "Mind, Hendry McQumpha, 'at upon nae condition are you to mention the bill-stickin' afore Tibbie!"
"Tibbie," Hendry explained to me, "is a terrible vain tid, an' doesna think the bill-stickin' genteel. Ay, they say 'at if she meets Davit in the street wi' his paste-pot an' the brush in his hands she pretends no to ken 'im."
Every time Jess paused to think she cried up orders, such as—
"Dinna call her Tibbie, mind ye. Always