Unser Leben - ein Wimpernschlag. Sonja Pistracher

dann plötzlich nimmer i,

      in mein Spiegel visavis.

      A Charakter noch´n G´wand

      a wann die Optik am Sand,

      schau wia wer anderer aus,

      dieses G´stöll, a Graus.

      Mutig bin i, fiahr mi auf,

      schwitz a bissl und verschnauf

      unter dera Maschkerade

      erlaub i mir a Eskapade.

      Hupf und spring bled umadum

      heite is mir nix zu dumm,

      jeden Bledsinn moch i mit,

      fühl mi anfoch superfit.

      Am Abend bin i dann ganz miad,

      träller nu a lustigs Liad,

      leg mi in mei Bett daham,

      wo i von mein Kasperl tram.

      In der Friah schau i in Spiagel,

      Kopfweh und nu drauf a Ziagel

      meine Fiaß, die oarmen wech´n,

      gspiarn jede Blos´n auf der Zech´n.

      Lustig woars, des gib i zua

      wia verruckt, dass i des tua,

      doch bis nächst´s Joahr, des was i g´wiss,

      bin i dabei, wann wieder Fosching is.

       Valentinstag

      A Blumerl muass her,

      is des heit a G´scher,

      i erkenn an der Pose

      meiner Frau schon die Rose,

      die i nu net hob,

      der Tog bringt mi ins Grob.

      Schnell aussig´rennt,

      fost hob i mi da´rennt,

      eine in an Lod´n,

      jo, hob i an Schod´n?

      Tausend Leit san vor mir

      bis z´ruck zu der Tiar,

      a Duft in der Nos´n

      von zwang´tausend Ros´n.

      Ich hobs eilig jo so,

      verflixt, jetzt muass i aufs Klo,

      steh heit echt unter Druck,

      Ros´n her, i muass z´ruck.

      Wia mei Frauerl jetzt grinst,

      mir verlockend zuablinzt,

      grod wiar i des mog,

      schen – so a Valentinstog.